Bon biní 

Danki pa a dal e promé stap na kambio. Mi ta orguyoso di bo! Mi tin sigur ku na Janovière Coaching bo ta na e adrès korekto. Aki nos ta kere fielmente den e poder di kresementu i desaroyo personal, spiritual, emoshonal, mental i seksual. E strategía ku ta wòrdu usá ta yuda bo nabegá e kaminda pa konosé bo mes mas profundo, komprondé bo mes mihó i asina transformá den e mihó vershon di bo mes.

Servisio

Coaching personal

Deskubrí bo potensial i yega na kresementu personal riba tereno mental i emoshonal. Esaki ta pa hende ku ke bira mas konsiente di nan pensamentunan, emoshonnan i patronchinan pa por krea espasio pa kambio real.

Coaching seksual

Hopi hende tin difikultat pa skucha nan kurpa, ta díl ku tabú, ku trouma òf ku duda riba kiko nan ta sinti. Pesei nos ta yudabo deskubrí kiko ta blòkia bo di eksperensiá un bida seksual salú òf siña bo kon pa elevá bo bida seksual i hasi esaki aún mas bunita i plasentero.

Coaching pa pareha 

Un relashon den konfliko, hopi biaha no ta falta di amor — masha biaha ta falta di komunikashon, klaridat i konekshon real. Huntu nos  lo analisá e reto nan den e relashon i krea un sistema personal pa nabegá e boto huntu komo un tím.

“Danki na e coaching di Jany mi a haña mi konfidensia bèk. Awor mi ta pará mas fuerte den mi sapatu. Mi ta sigur mira un diferensia grandi den mi bida personal.”

-S.

Un tiki di nos

Na Janovière Coaching nos ta para pa atenshon personal di kada kliente i nos ta traha dirigí riba progreso! Nos ta pará fuerte tras di e echo ku tur hende tin e poder i potensial pa krese i desaroyá riba tur area di nan bida. 

FAQ

Kiko ta e proposito di coaching?

Coaching ta yuda na e kresemento personal di un persona. Hopi biaha nos ta purba riba nos propio forsa pa yega na un mihó vershon di nos mes òf yega na e kalidat di bida ku nos ta anhela pero den hopi okashon nos ta haña nos frekuentá ku sierto bareranan i trouma nan ku ta stroba nos di yega einan. Un coach por yudabo eleminá e barera nan aki pa bo konosé i kompronde bo mes mas mihó i dunabo e heramienta nan korekto pa bo traha i yega na e mihó vershon di bo mes, e kalidat di bida ku bo ta anhelá, un bida seksual mas plasentero òf un relashon felis!

Kon largu un seshon di coaching ta dura?

Esaki ta depende na e tipo di coaching ku bo ta deseá. Un coaching personal ta dura 90 minüt, mientras un coaching pa pareha ta dura 60 minüt. E motibu ku esun ta dura mas tantu ku e otro ta pasobra den un coaching personal hopi biaha un persona ta mas habrí pa papia kosnan ku nan no ta sinti komfortabel pa bisa den presensia di nan pareha. E motibu ei ta pone ku ami komo coach ta ofrese e persona nan aki sufisiente espasio pa esaki.

Kon mi ta hasi traha un sita?

Bo por tuma kontakto ku nos via telefòn, mail òf dor di usa e lenk riba nos wèpsait pa traha sita.