Unify Coachingspraktijk

Na Unify Coachingspraktijk, nos ta – kuater Yu Di Kòrsou – prepará pa yuda bo den bo kresementu personal. Basá riba nos mes origen i eksperensia nan, nos sa kon importante e ta pa haña yudansa ku ta berdaderamente konektá ku bo na nivel mental, emoshonal, seksual i finansiero.

Nos a tende hopi biaha ku hende ke buska yudansa, pero ta haña difísil pa bisa loke nan ta sinti na Hulandes –spesialmente ora ta trata tema nan personal òf sensitivo. Pa e motibu ei nos a uni forsa pa oferesé guia den konfiansa, rekonosementu i ku konsiderashon pa nos kúltura. Nos ta dirigí na tur hende, pero spesialmente na nos hendenan for di islanan ABC. Na Unify, bo ta haña espasio pa papia den un idioma ku bo ta sinti bo sigur den dje. Nos ta papia Papiamentu, Hulandés, Inglés, Spaño i Alemán. Na e manera aki bo por splika bo historia den e manera ku ta sinti natural pa bo. Nos ta traha ku rèspèt, kalor humano i sin husga, pa yuda bo riba bo kaminda pa sanashon i kresementu.

Unify ta nifiká: huntu.
Huntu nos ta sana.
Huntu nos ta krese.
Huntu nos ta bira mas fuerte.