Un tiki di nos
Bon biní un biaha mas serka nos di Janovière Coaching kaminda tur focus ta riba bo i bo biahe úniko ku ta hiba bo na kresementu riba e area personal, emoshonal, mental i seksual. Nos ta diferensiá nos mes for di otronan dor ku nos tin un strategía úniko ora ta trata coaching. "Coaching ku un twist" manera nos sa yam'é! Un twist ku sigur lo sorpresá i inspirá bo. Na Janovière Coaching nos ta para pa atenshon personal di kada kliente i nos ta traha dirigí riba progreso. Nos ta pará fuerte tras di e echo ku tur hende tin e poder i potensial pa krese i desaroyá riba tur area di nan bida.
Coaching ku un twist
Serka nos di Janovière Coaching nos ta hasi uso di weganan edukativo pa sera konosí mas ku bo mes i bo pareha. Banda di esei nos ta usa kreatividat komo metodo pa díl ku emoshon nan p.e. pinta, fèrf, roleplay i mas. Un sistema kompletamente nobo i sumamente great pa traha riba bo mes i bo relashon (seksual). Banda di esei, nos ta di opinion ku niun kliente no ta meskos. Pa e motibu ei, kada tarea i kada seshon ta diferente pa kada persona ku yega serka nos. Nos ta observá i wak kiko nos kliente tin mester i ta aktua a base di esaki.
Bo ta kla pa traha riba bo mes? Si? Wèl sera konosí ku bo futuro coach!
Janovière Coffie-Leonora
Mi ta un coach ku tin mas ku 10 aña di eksperensia, pero for di 2023 mi a ofisialmente dal e stap pa hasi esaki mi trabou. Promé ku mi a dal e stap pa bira un coach ofisial, mi tabata e “go-to-person” pa famianan, amistades i konosí nan ora ta trata situashonnan emoshonal, mental, seksual i amoroso. Den hopi kaso mi a yuda e persona nan aki para fuerte den nan sapatu, bira un mihó vershon di nan mes i reforsá nan relashon amoroso.
Desde april 2025, mi por yama mi mes un traumacoach tambe.
Mi tambe a pasa den varios situashonnan fèrfelu den bida kual ta pone ku mi por empatisá kompletamente ku un persona. Mi eksperensia en kombinashon ku mi konosementu ta hasimi e persona perfekto pa empoderá i yuda otro nan pa yega na full nan potensial den nan bida personal. Mi ta yuda mi klientenan haña klaridat, pone metanan realistiko i traha un plan di akshon pa vense e opstakulo nan ku ta stroba nan pa yega na e mihó vershon di nan mes.
Ora nan di seshon mas popular.
Bo tabata sa ku mayoria persona ta plania nan seshon den wikènt? Esei ta nifiká ku meresidamente bo por duna bo mes un momentu pa hala rosea, lòs bo mes un ratu for di e rutina diario i hinka tempu den bo kresementu personal! Deskubrí tur e posibilidat nan úniko di nos 'coaching ku un twist' i kuminsá bo biahe pa yega na un mihó vershon di bo mes. Tuma kontakto ku nos awe i plania un momentu pa nos sera konosí ku otro!